Die scheenschte Gegend am ganze Rhein
Das is die Gegend vun Binge!
Es wächst do der allerbeschte Wein
Der Scharlacher wächst bei Binge!
Die geschickschte Schiffleut, die mer find’t
Das sein die Schiffer vun Binge!
Un sieht mer in Meenz e hübsches Kind
Wo is es her? – Vun Binge’!
Keen Loch is uff der ganze Welt
So berühmt wie das vun Binge
Keen Thorm so keck in’s Wasser gestellt
Wie der im Rhein bei Binge!
Die Mäus vum Bischof Hatto, sich!
Sein geschwumme bis noch Binge,
Keen Geschischt war je so ferchterlich
Wie selichmol bei Binge!
Die heilig Hildegard, die war
Halt aach dehääm bei Binge!
Un war Aebtissin dort sogar
Uff Ruppertsberg bei Binge!
Es is e’ wahre Herrlichkeit
Das liebe, kleene Binge,
Mei Vatter, Mutter un all mein Leut
Ja mer sein all’ vun Binge!